НАЗАРҒА! Көп пәтерлі үйлердегі үй-жайлардың, қоймалардың  меншік иелерінің назарына!

            Салық кодексінің 529-бабының 3-тармағына өзгеріс енгізу (2022 жылғы 1 қаңтардан бастап қолданысқа енгізілді).

            Көп пәтерлі үйлердегі қоймалар үшін мүлік салығы бойынша салық есептілігін табыс ету бойынша міндеттемелердің болмауы салық төлеушілер-жеке тұлғалар үшін жаңа енгізілім болады.

Бұл тек қана уәкілетті органда тіркелген, көп пәтерлі үйлерде орналасқан, жеке мақсаттар үшін пайдаланылатын қойма үй-жайларына қатысты.

Бұл норма салық төлеушілерді мүлік салығынан босатпайды, тек салық салу түрі өзгереді.

Бұрын салық төлеушіден  қойма үй-жайлары үшін мүлік салығы  дербес есептелген. 2023  жылдан  бастап мемлекеттік кірістер органдары салық кезеңі - 2022  жыл  үшін  Азаматтарға арналған үкіметтің уәкілетті органының бағалау құны негізінде есептейтін болады, бұл салық сомасын едәуір төмендетеді.

Өзгерістер:  салық базасы, мөлшерлемелер, есептеу тәртібі және төлеу мерзімдері. Осылайша, бұл норма жеке тұлғалар үшін жақсартушы болып табылады.

Осылайша, 2022 жылдан бастап заңда осы норманы енгізу көзделген, бұл 2023 жылы 2022 жылғы міндеттемелер бойынша мүлік салығы бойынша салық есептілігін ұсынудың  күшінің жойылғанын білдіреді.

Құрметті салық төлеушілер, АСЫҒЫҢЫЗДАР!

Жеке тұлғалардың мүлік салығын төлеу мерзімі аяқталады

Салық кодексінің 526-бабына сәйкес меншік құқығында салық салу объектісі бар (үйлер, пәтерлер, гараждар, саяжайлар, үй жанындағы жер учаскелері, жер үшін.бағбандыққа, гаражға қызмет көрсетуге арналған учаскелер және тұрақ орындары) тұлғалар жеке тұлғалардың мүлік салығын төлеушілер болып табылады.

2020 жылға салық төлеу салық салу объектілерінің орналасқан жері бойынша бюджетке - МКБ/әкімдік ЖӨБ-мен 2021 жылғы 1 қазаннан кешіктірмей жүргізіледі.                                                                    Ағымдағы жылдың шілде айынан бастап жеке тұлғаларға мүлік салығының алдағы төлемдерінің сомалары туралы SMS-хабарламалар жіберілді.

Сондай-ақ, жеке тұлғаларға хабарламалар «Kaspi kz» мобильді қосымшасы арқылы жіберілді.

Мобильдік азаматтар базасында тіркеуі жоқ азаматтарға мемлекеттік кірістер органдары есептеген салық сомасы туралы хабарлама қағаз нысанда пошта арқылы, коммуналдық қызметтерді жеткізушілердің курьерлік қызметі арқылы жіберілді.

Одан әрі СМС-хабарландыру  арқылы  хабарлама алу үшін ұялы нөмірді электрондық үкімет порталы арқылы мобильді азаматтар базасында egov.kz немесе mgov мобильді қосымшасына  тіркеу қажет.

Салық төлеушілерге ыңғайлы болу үшін алдағы төлемдерді «Kaspi kz», «eSalyq Азамат» мобильді қосымшаларында қарау сервисі іске асырылды. Бұл қызмет алдағы төлемді өз бетінше көруге және төлем жасауға мүмкіндік береді.

        Салық міндеттемесін орындау Қазақстан Республикасының әрбір азаматының міндеті және борышы болып табылады.

Осыған байланысты, Қостанай облысы бойынша Мемлекеттік кірістер департаменті салықтарды және бюджетке төленетін басқа да міндетті төлемдерді жеке сот орындаушыларымен мәжбүрлеп өндіріп алуға дейін жеткізбей  уақтылы төлеуді жүзеге асыруды сұрайды.

Өндірістік емес төлемдер басқармасы

Жеке тұлғалар «WhatsApp» мессенджері арқылы жеке тұлғалардың мүлік салығы, көлік құралдары салығы бойынша салық берешегін есептеу, төлеу жөнінде  қызықтырған сұрақтарға жауап ала алады.

Сұрақтарды төмендегі кестеге сәйкес жұмыс күндері (дүйсенбіден жұмаға дейін) сағат 9-00-ден 18-30-ға дейін көрсетілген нөмірлерге жіберуге болады.

Салық  төлеушілерге  жедел  және жан-жақты  жауаптар беріледі.

Жергілікті салықтарды уақтылы төлеу мақсатында мүлік салығы бойынша алдағы төлемдерді мобильді қосымша "еSalyq Azamat" - салық әмияны бөлімінде, әрі қарай "бюджетпен есеп айырысу", "алдағы төлемдер" арқылы қарау сервисі туралы хабарлаймыз.

Сонымен қатар, алдағы төлемдер туралы ақпаратты Кaspi.kz мобильді  қосымшада "төлемдер", "Мемлекеттік қызметтер, айыппұлдар мен салықтар", "салықтар", "Көлік және мүлік салығы"бөлімдерінде көруге болады.

Салық берешегі туралы ақпаратты ҚР Мемлекеттік кірістер комитетінің   www.kgd.gov.kz  интернет-ресурсында  және «электрондық үкімет» порталында «электрондық сервистер», «салық берешегінің жоқ (бар) екендігі туралы мәліметтер» бөлімінде, азаматтың ЖСН бойынша қарауға болатынын қосымша хабарлаймыз.

         Кaspi.kz және Еgov.kz қосымшасында салық, оның ішінде жер салығы, мүлік және көлік салығы бойынша берешекті қарау бойынша сервис әзірленді. Тек төлеушінің ЖСН енгізу жеткілікті. Төлемді осы қызметте де жасауға болады.

2020 жылға жеке тұлғалардын мүлік салығы төлеу мерзімдері туралы

Қостанай облысы бойынша Мемлекеттік кірістер департаменті аумақтық  мемлекеттік  кірістер  органдары 2020 жылы жеке тұлғалардың мүлік салығын есептеуді жүргізгенін хабарлайды. Бұл ретте бюджетке салықтарды төлеуді 2021 жылдың 1 қазанынан кешіктірмей жүргізу қажет.

Салық Кодексіне сәйкес бірнеше жеке тұлғаның ортақ үлестік меншігіндегі  салық  салу объектісі үшін салық олардың осы мүліктегі үлесіне сайма – сай  есептеледі (осы тұлғалардың әрқайсысы салық төлеуші болып танылады).

Ортақ бірлескен меншіктегі салық салу объектілері бойынша салық төлеуші осы салық салу объектісінің меншік иелерінің бірі олардың арасындағы келісім бойынша бола алады.

Салық кодексінің 73-бабында Мемлекеттік кірістер органдары есептеген  мүлік  салығы бойынша салық міндеттемелерінің сомалары туралы жеке тұлғаларды ақпараттандыру тәртібі айқындалған:

- коммуналдық қызметтерді жеткізушімен есеп айырысу үшін қолданылатын құжаттардағы нұсқаулар;

- салық төлеушінің электрондық пошта мекенжайына жіберу;

- салық төлеуші ұсынған ұялы телефон нөмірлеріне СМС-хабарлама жіберу.

Осы мақсаттар үшін салық төлеушілерге мемлекеттік кірістер органына өздерінің  телефон  нөмірлері  мен  электрондық пошта мекенжайлары туралы мәліметтерді ұсыну құқығы берілді.

Өндірістік емес төлемдер басқармасы

Жеке тұлғалардың мүлік және жер салықтарын төлеуді оңайландырылды

«Салық және бюджетке төленетін басқа да міндетті төлемдер туралы» Қазақстан Республикасының кодексіне (Салық кодексі) өзгерістер мен толықтырулар енгізу туралы» 2020 жылғы 10 желтоқсандағы Қазақстан Республикасы Заңының  қабылдануына  байланысты  мынаны  хабарлаймыз.

ҚР СК  жеке тұлғалардың  мүлік  және  жер салығын төлеуді оңайлатуына өзгерістер енгізу туралы, аталған салықтарды біріктіру жүргізілді. Бұрын  екі  түрлі  салық,  әр  түрлі  есептеу  әдісі,  екі түбіртек болып,    бұл  салық төлеушілерге қолайсыздық тудырды. Екі салық 104102 БЖК-ға бірыңғай  төлеммен төленеді.

Салық салу объектісі бар жеке тұлғалар жеке тұлғалардың мүлік салығын төлеушілері  болып табылады:

1) өздеріне  меншік  құқығымен  тиесілі  тұрғынжайлар,  ғимараттар, саяжай құрылыстары, гараждар және өзге де құрылыстар, ғимараттар, үй-жайлар;

2) жеке тұлғаларға меншік құқығымен тиесілі жер учаскелері.

Жеке  тұлғалардың  салық  салу  объектілері  бойынша салықты есептеуді салық органдары салық төлеушінің тұрғылықты жеріне қарамастан, салық салу объектісінің орналасқан жері бойынша есепті салық кезеңінен кейінгі жылдың 1 қаңтарына дейін құқықтары тіркелген жеке тұлғалардың салық салу объектілері бойынша меншік құқығында нақты иелену мерзімін ескере отырып, салық  базасына  тиісті салық ставкасын қолдану арқылы есепті салық кезеңінен кейінгі жылдың 1 шілдесінен кешіктірмей жүргізеді.

Жеке тұлғалардың мүлкіне салынатын салық кезеңі үшін әрбір салық салу объектісі бойынша жеке есептелген салық сомаларын қамтиды.

Салық төлеу салық салу объектілерінің орналасқан жері бойынша 104102 БСК-ға есепті салық кезеңінен кейінгі жылдың 1 қазанынан кешіктірілмей бюджетке жүргізіледі.

Сондай-ақ,  ҚР СК  526-бабының 7-тармағына сәйкес  көп пәтерлі тұрғын үйлердегі пәтерлер (бөлмелер) орналасқан жер салығын төлеуден босату туралы норма енгізілгенін хабарлаймыз.

Салық міндеттемесін орындау Қазақстан Республикасының әрбір азаматының міндеті және борышы болып табылады.

Осыған  байланысты, Қостанай  облысы  бойынша  Мемлекеттік  кірістер департаменті  салық  және  бюджетке  төленетін  басқа да  міндетті төлемдерді уақтылы  төлеуді  сұрайды.

Салықтар бойынша берешектерді және ағымдағы төлемдерді төлеуді еGov.kz порталында  екінші деңгейдегі банктердің (post.kz, kaspi.kz, homebank.kz және басқалар), мобильді қосымшалары, eSalyq мобильді қосымшасындағы салық әмияны қызметі арқылы электрондық түрде жүргізуге болады.