БАСПАСӨЗ ХАБАРЛАМАСЫ

Бақылау-кассалық машинаны есептен шығару тәртібі туралы

Қостанай қаласы бойынша Мемлекеттік кірістер басқармасы салық төлеушілерге бақылау-кассалық машинаны (БКМ) салық органында есептен шығару тәртібі туралы хабарлайды.

БКМ келесі жағдайларда есептен шығарылады:

сауда, қызмет көрсету немесе жұмыстарды орындау кезінде қолма-қол ақша қабылдауға қатысты қызметтің тоқтатылуы;

техникалық ақауына байланысты БКМ-ді одан әрі пайдалану мүмкін болмаған жағдайда;

БКМ-нің мемлекеттік тізілімнен алынуы;

жұмыс істеп тұрған БКМ-ді жаңа үлгіге ауыстыру;

БКМ-нің ұрлануы немесе жоғалуы (ішкі істер органдарына берілген өтініштің көшірмесі және/немесе жоғалғаны туралы бұқаралық ақпарат құралдарында жарияланған хабарландырудың көшірмесі болған жағдайда);

Қазақстан Республикасының салық заңнамасына қайшы келмейтін өзге де жағдайлар.

БКМ есептен шығарылады:

деректерді беру функциясы бар БКМ – фискалдық деректер операторынан алынған ақпарат негізінде;

деректерді беру функциясы жоқ БКМ – салық төлеушінің өтініші негізінде.

Деректерді беру функциясы жоқ БКМ (аппараттық-бағдарламалық кешендерден басқа) үшін келесі құжаттар қажет:

БКМ-ді есептен шығару туралы салықтық өтініш;

Салық органдарының пломбасымен жабдықталған фискалдық жады блогы бар БКМ;

Қолма-қол ақша және тауар чектерін есепке алу кітаптары (тігілген, нөмірленген, салық органының мөрі және лауазымды тұлғаның қолы қойылған);

БКМ-нің тіркеу карточкасы.

Аппараттық-бағдарламалық кешен болып табылатын БКМ үшін:

салықтық өтініш ұсынылады;

«Салық инспекторының жұмыс орны» модуліне қолжетімділік қамтамасыз етіледі.

БКМ-ді есептен шығару өтініш немесе фискалдық деректер операторының ақпараты түскен күннен бастап 1 жұмыс күні ішінде жүзеге асырылады.

Қосымша ақпарат алу үшін Қостанай қаласы бойынша Мемлекеттік кірістер басқармасына хабарласыңыз:

 Мекенжай: Қостанай қ., Мауленов көшесі, 21

 Байланыс телефондары: 28-13-38, 28-10-26, 28-13-09