Жыл сайын сыбайлас жемқорлық құқықбұзушылықтарын жасағаны үшін мемлекеттік қызметшілердің құқықтық жауапкершілігі артуда, бұл жұмысқа қоғам көбірек қосылуда. Бұл күрес әрқайсымыздың ісімізге айналды.

      Қазіргі уақытта Қазақстан Республикасы ТМД-да көбірек дамыған сыбайлас жемқорлыққа қарсы заңнамаға ие. Мемлекеттік органдар және азаматтық қоғамдар іске асыратын сыбайлас жемқорлыққа қарсы әрекеттерге бағытталған шаралар кешенін әзірлеу мақсатында заңнамалық база қалыптастырылды, атап айтқанда: «Сыбайлас жемқорлыққа қарсы күрес туралы» ҚР Заңы, «Сыбайлас жемқорлықпен күрес, мемлекеттік органдар және лауазымды тұлғалардың әрекеттерінде тәртіпті және реттілікті нығайту бойынша іс шаралар туралы» ҚР Президентінің Жарғысы, сондай-ақ бірнеше бағдарламалар.

367-бап. Пара беру

      1. Мемлекеттік функцияларды орындауға уәкілеттік берілген адамға не оған теңестірілген адамға немесе жауапты мемлекеттік лауазымды атқаратын адамға не лауазымды адамға, сол сияқты шет мемлекеттің немесе халықаралық ұйымның лауазымды адамына жеке өзіне немесе делдал арқылы пара беру –

      мүлкі тәркіленіп немесе онсыз, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның он еселенгеннен жиырма еселенгенге дейінгі сомасы мөлшерінде айыппұл салуға не үш жылға дейінгі мерзімге бас бостандығынан айыруға жазаланады.

      2. Айтарлықтай мөлшерде жасалған дәл сол іс-әрекет –

      мүлкі тәркіленіп немесе онсыз, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның жиырма еселенгеннен отыз еселенгенге дейінгі сомасы мөлшерінде айыппұл салуға не бес жылға дейінгі мерзімге бас бостандығынан айыруға жазаланады.

      3. Осы баптың бірінші немесе екінші бөліктерінде көзделген іс-әрекеттер, егер олар:

      1) адамдар тобының алдын ала сөз байласуымен;

      2) ірі мөлшерде;

      3) бірнеше рет жасалса, –

      мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның отыз еселенгеннен қырық еселенгенге дейінгі сомасы мөлшерінде айыппұл салуға не жеті жылдан он екі жылға дейінгі мерзімге бас бостандығынан айыруға жазаланады.

      4. Осы баптың бірінші, екінші немесе үшінші бөліктерінде көзделген іс-әрекеттер, егер олар аса ірі мөлшерде жасалса немесе оларды қылмыстық топ жасаса, –

      мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның қырық еселенгеннен елу еселенгенге дейінгі сомасы мөлшерінде айыппұл салуға не он жылдан он бес жылға дейінгі мерзімге бас бостандығынан айыруға жазаланады.

      Ескертулер.

      1. Осы Кодекстің 366-бабының бірінші бөлігінде көрсетілген адамға бұрын жасаған заңды әрекеттері (әрекетсіздігі) үшін сомасы немесе құны екі айлық есептік көрсеткіштен аспайтын сыйлықты бірінші рет беру, егер осы адам жасаған әрекеттер (әрекетсіздік) алдын ала уағдаластықпен байланысты болмаса, қылмыстық жауаптылыққа әкеп соқпайды.

      2. Пара берген адам, егер оған қатысты осы Кодекстің 366-бабының бірінші бөлігінде көрсетілген адам тарапынан параны қорқытып алу орын алған болса немесе егер осы адам пара бергені туралы құқық қорғау органына немесе арнаулы мемлекеттік органға өз еркімен хабарласа, қылмыстық жауаптылықтан босатылады.

     Біздің мемлекет үшін сыбайлас жемқорлыққа қарсы тұру басымдылығы Елбасымен белгіленген мемлекеттік саясаттың басты бағыттарының бірі болып табылады. Сондықтан, Президент Қазақстан халқына өз Жолдауларында сыбайлас жемқорлықпен аяусыз күресті мемлекеттің басымдылығының бірі ретінде атайды.

Сыбайлас жкмқорлық- қарапайым ғана бұзушылық емес. Ол мемлекеттің нәтижелігіне сенімді құртады және Қазақстан Республикасының ұлттық қауіпсіздігінің тікелей қаупі болып табылады.

Біздің қоғамда сыбайлас жемқорлыққа орын жоқ. Күшті біріктере отырып қана бұл құбылысқа нәтижелі қарсы әрекетке қол жеткізуге болады.

«Қостанай-КРО» к/б