Спикердің айтуынша, Қазақстан Республикасының аумағында ақшалай есеп айырысулар бақылау-кассалық машиналарды міндетті түрде қолдана отырып жүргізіледі. Банктік шотқа аудару жолымен қолма-қол ақшасыз тәсілмен төлем жүзеге асырылған жағдайда БКМ қолдану бойынша міндеттеме жоқ.

Сонымен қатар, сауда операциялары, жұмыстарды орындау, қолма - қол ақша арқылы қызметтер көрсету кезінде жүргізілетін ақшалай есеп айырысуларды жүзеге асыру кезінде БКМ қолданбау, сондай-ақ пайдалану орны бойынша Мемлекеттік кірістер органында ақаулы немесе есепте тұрмаған БКМ қолдану-бірінші рет бұзушылық жасаған кезде әкімшілік жауапкершілік көзделген (ҚР ӘҚБтК 284-бабы), ескерту жасалады.

Әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) - жеке нотариустарға, жеке сот орындаушыларына, шағын кәсіпкерлік субъектілеріне - 15 АЕК мөлшерінде, орта кәсіпкерлік субъектілеріне - 30 АЕК мөлшерінде, ірі кәсіпкерлік субъектілеріне-50 АЕК мөлшерінде айыппұл салуға әкеп соғады.

Зарина Бекмұхамедова "төлемдер және төлем жүйелері туралы" ҚР Заңына сәйкес жеке кәсіпкерлер және (немесе) заңды тұлғалар, жалпы пайдаланымдағы телекоммуникация желісі жоқ орындардағы тұлғаларды қоспағанда, жекелеген қызмет түрлерін жүзеге асыру кезінде өз қызметін жүзеге асыратын орындарда төлемдерді қабылдау үшін жабдықтарды (құрылғыларды) орнатуды және қолдануды қамтамасыз етуге міндетті екенін айтты төлем карточкаларын пайдалану және (немесе) жедел төлем жүйесін пайдалана отырып төлемдерді қабылдау.