ҚР ҚМ Мемлекеттік кірістер комитеті 2024 жылғы 15 наурыздан бастап ТІЖ ресімдеу қағидаларына (2023 жылғы 27 желтоқсандағы № 1321 бұйрық) енгізілген толықтыруларға сәйкес газохол, бензанол, нефрас, жеңіл көмірсутектер қоспасы мен экологиялық отынға ТІЖ рәсімдеу жөніндегі міндет қолданылатынын еске салады.

Сонымен қатар, жоғарыда аталған тауарлардың айналымы кезінде мұнай өнімдерін өндіру және олардың айналымы бойынша декларацияны ұсыну бойынша міндеттемелер туындамайтынын, Пин-кодты иелену талап етілмейтінін хабарлаймыз.

Ереженің 36-тармағына сәйкес ТІЖ рәсімдеу үшін G1 "тауарлар бойынша деректер" бөлімінде "тауардың атауы" бағанында газохол, бензанол, нефрас, жеңіл көмірсутектер қоспасы, экологиялық отын (ЖҚТ және Пин-кодтарға байланбай) көрсету қажет.