Қазақстан Республикасы Премьер-Министрінің бірінші орынбасары - Қазақстан Республикасы Қаржы министрінің 2020 жылғы 10 сәуірдегі № 374 бұйрығымен «Қазақстан Республикасындағы кедендік реттеу туралы» Қазақстан Республикасы Кодексінің және Қазақстан Республикасының «Мемлекеттік статистика туралы» Заңының кейбір ережелерін орындау мақсатында мыналар бекітілді:

1) тауарларды және көлік құралдарын есепке алудың, есепке алудың ережелері мен мерзімдері, есеп беру әдісі, электрондық құжат түрінде ұсынылатын есептердің құрылымы мен форматы, оларды толтыру тәртібі;

2) сақталатын тауарлар және (немесе) көлік құралдары туралы есеп нысаны;

3) кедендік операциялар туралы есеп нысаны;

4) бажсыз сауда дүкеніне түскен тауарлар және оларды сату туралы есеп нысаны;

5) еркін қойманың кедендік рәсімімен орналастырылған тауарлармен, сондай-ақ осындай тауарлардан жасалған (алынған) тауарлармен жасалған мәмілелер туралы есеп нысаны;

6) Еуразиялық экономикалық одақтың Бірыңғай кедендік тарифінде белгіленгеннен гөрі, кедендік әкелу баждарының ставкалары төмен қолданылатын тауарларды қоса алғанда, шетелдік тауарларды пайдалану туралы есеп нысаны;

7) кедендік транзиттің кедендік рәсімімен тауарларды тасымалдауға жарамды көлік құралдары туралы есеп нысаны.

Ережелер мен есептер алғашқы ресми жарияланғаннан кейін күнтізбелік он күн өткен соң қолданысқа енгізіледі (2020 жылғы 15 сәуірде жарияланған). 

Күшіне енген кезден бастап «Мемлекеттік кірістер органына есеп жүргізу мен есептілікті ұсынудың кейбір мәселелері туралы "ҚР Қаржы министрінің 2018 жылғы 15 наурыздағы № 367 бұйрығының күші жойылды деп танылады.

Қосымша: 10.04.2020  жылғы № 374 бұйрық.

Бұйрыққа қосымшалар осы сілтеме бойынша қол жетімді

     Кедендік әкімшілендіру басқармасы