Қазақстан Республикасы Индустрия және инфрақұрылымдық даму министрлігінің (ҚР ИИДМ) 22.10.2020 ж. № 551, Қазақстан Республикасы Қаржы министрлігінің (ҚР ҚМ) 15.10.2020 ж. № 1022  және Қазақстан Республикасы Сауда және интеграция министрлігінің (ҚР ИСМ) 26.10.2020 ж. № 299-нқ бірлескен бұйрығымен транзит жөніндегі Ұлттық үйлестірушінің жұмыс істеуі туралы ережесі, сондай-ақ транзит бойынша жұмыс тобының құрамы бекітілді.

Транзит жөніндегі ұлттық үйлестірушінің негізгі міндеттері :

Қазақстан Республикасының аумағы арқылы халықаралық тасымалдар кезінде тауарларды транзиттік тасымалдау мәселелерін реттейтін Қазақстан Республикасы заңнамасының нормаларының мазмұны мен қолдану мәселелері бойынша ақпараттандыру;

мемлекеттің транзиттік саясатын тиімді іске асыруға ықпал ететін ұсыныстар мен ұсынымдарды әзірлеу болып табылады.

Қостанай облысының аумағы арқылы тауарлар мен көлік құралдарын транзиттік өткізу мәселелері бойынша өтініштер келіп түскен кезде, хабардар етуді (консультация беруді) құзыреті шеңберінде жұмыс тобының мүшелері мынадай телефондар арқылы жүзеге асырады:

Қостанай облысы бойынша Мемлекеттік кірістер департаменті кедендік әкімшілендіру басқармасының басшысы – Е. А. Найденов (8 7142 53 46 66);

Қостанай облысы бойынша Мемлекеттік кірістер департаменті «Қостанай-КРО» кеден бекетінің бас маманы – К.А. Абдрахманова (8 7142 53 72 44).

Кедендік әкімшілендіру басқармасы