Инфляцияның өсуіне, азық-түлік пен мұнай өнімдеріне бағаның өсуіне жол бермеу жөніндегі шаралар шеңберінде Қазақстан Республикасы Премьер – Министрі орынбасарының-Қаржы министрінің 2022 жылғы 13 сәуірдегі № 405 бұйрығымен "Қазақстан Республикасының аумағында қадағаланатын әлеуметтік маңызы бар азық-түлік тауарларын, тас көмір мен астықты электрондық ақпараттық жүйенің негізінде әкімшілендіруді жетілдіру жөніндегі пилоттық жобаны іске асыру қағидалары" бекітілді. (бұдан әрі- пилоттық жоба), қолданылу мерзімі 2023 жылғы 31 желтоқсанға дейін.

Пилоттық жобаны жүргізу кезеңінде өндірушілер, импорттаушылар, жер қойнауын пайдаланушылар, өнім берушілер заңды тұлғалар мен дара кәсіпкерлерге Қазақстан Республикасының аумағында өндірілген (өндірілген) немесе импортталған әлеуметтік маңызы бар азық - түлік тауарларын (бұдан әрі-ӘМАТ), тас көмірді және астықты өткізу кезінде шот-фактураны электрондық нысанда жазып беру қағидаларына сәйкес электрондық шот-фактуралар жазып береді. Қазақстан Республикасы Премьер- Министрінің бірінші орынбасары- Қазақстан Республикасы Қаржы министрінің 2019 жылғы 22 сәуірдегі № 370 бұйрығымен бекітілген Электрондық шот – фактуралардың ақпараттық жүйесі және оның нысандары.

Электрондық шот-фактураларды жазу үш тәсілмен жүзеге асырылады: порталда esf.gov.kz, салық төлеушілердің есепке алу жүйелері арқылы немесе ЭШФ АЖ мобильді қосымшасында. Барлық көрсетілген әдістерге қол жеткізу тегін.

Қазіргі уақытта МКК пилоттық жобаны 2024 жылғы 31 желтоқсанға дейін ұзарту бойынша жұмыс жүргізілуде.

Қостанай қаласы бойынша мемлекеттік кірістер басқармас